Charter Document - 07460196
| Charter Number: | 07460196 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1303 - 1320 |
| Date type: | Assigned |
| Resource Link(s): |
People of Medieval Scotland |
Charter:
Universis Sancte matris ecclesie filiis ad quos presentes littere per venerint Henricus miseratione divina Abbas de Scona et ejusdem loci conventus eternam in domino Salutem In omnibus causis nos et monasterium nostrum qualitercumque tangentibus motis seu movendis pro nobis seu contra nos contra quoscumque vel a quibuscunque coram quibuscumque Judicibus ordinariis delegatis sub delegatis comissariis seu arbitris quibuscunque diebus et locis Hugonem concanonicum nostrum exhibitorem presentium procuratorem nostrum facimus et constituimus per presentes dantes eidem potestatem et speciale mandatum agendi pro nobis nosque defendendi expediendi replicandi testes et juramenta producendi et replicandi litem contestandi in animas nostras jurandi de calumpnia et veritate dicendi expensas petendi jurandi et recipiendi alium procuratorem loco sui substituendi quotiens sibi visum fuerit expediendi et omnia alia et singula faciendi in premissis et circa premissa que verus et legitimus procurator facere potest et mandatum speciale requirunt Ratum et firmum habentes et habituri quicquid dictus procurator noster vel ab eo substitutus nomine nostro in premissis duxerit faciendum permittentes insuper ut predictus Hugo nomine nostro ut procurator pro nobis et monasterio nostro hac instanti die martis Apud sanctum Andream cum ceteris de clero sancti Andree possit comparere facturus ibidem quicquid predictus dominus Henricus Abbas noster si presens esset cum ceteris prelatis esset facturus et pro eodem procuratore nostro et pro substituto vel substitutis ab ipso sub ypotheca rerum nostrarum judicatum solvi promittimus quod quidem omnibus quorum interest tenore presentium significamus In cujus Rei []