Charter Document - 07460138
| Charter Number: | 07460138 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1323 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus dei Gratia Rex Scottorum Bernardo Abbati de Abirbrothoc cancellario suo Scotie salutem Quia veraciter intelleximus quod Anglici hostiliter sigilla quarundam cartarum dilectorum nostrorum virorum religiosorum Abbatis et conventus de Scona nequiter Avulserunt et quasdam totaliter secum Abstulerunt Vobis mandamus et precipimus quatenus fieri faciatis commissionem de capella nostra in debita forma domino Mauricio dei gratia Dunblanensis Episcopo et vobis Ad examinandum videndum et declarandum cartas ipsorum religiosorum ac monimenta quas et que nunc habent Et similiter super cartis totaliter Asportatis per Inimicos ad cognoscendum super hiis et secundum quod dictos religiosos hiis diebus vestitos et saisitos juste et pacifice poteritis Invenire de terris reditibus possessionibus vel libertatibus cartas nostras super eisdem in debita forma capelle nostre dictis religiosis renovari faciatis Datum Apud Sconam tertio die Augusti Anno Regni nostri octavo decimo