Charter Document - 07460131
| Charter Number: | 07460131 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1312 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus Dei gracia rex Scottorum omnibus probis hominibus tocius terre sue tam clericis quam laicis salutem Sciatis nos pro salute anime nostre et pro salute animarum omnium antecessorum et successorum nostrorum dedisse concessisse et hac presenti carta nostra confirmasse Deo et beate Marie virgini et beato Michaeli archangelo et abbati ac canonicis de Scona Deo et beato Michaeli ibidem seruientibus et perpetuo seruituris totum thainagium de Scona cum omnibus iustis pertinenciis suis per rectas metas et diuisas suas Tenendum et habendum eisdem canonicis et eorum successoribus de nobis et heredibus nostris in liberam puram et perpetuam elemosinam in bosco et plano in pratis et pascuis in moris mariscis et petariis in viis et semitis in aquis stagnis viuariis lacubus et piscationibus in molendinis et multuris in assartis et assartandis in venacionibus et aucupacionibus et in omnibus aliis libertatibus commoditatibus et aysiamentis tam non nominatis quam nominatis ad dictum thainagium de iure pertinentibus seu futuris temporibus pertinere valentibus adeo libere et quiete plene et honorifice sicut aliqua elemosina in regno Scocie liberius quiecius plenius et honorificencius tenetur seu possidetur salua defensione regni nostri Volumusque et concedimus quod predicti abbas et canonici habeant et teneant curiam suam de hominibus dictum thainagium inhabitantibus sicut de aliis hominibus suis curiam suam plenius tenent seu possident In cuius rei testimonium presenti carte nostre sigillum nostrum fecimus apponi Testibus venerabilibus patribus dominis Henrico Abirdonensi Dauid Morauiensi et Nicholao Dumblanensi Dei gracia episcopis domino Bernardo eadem gracia abbate de Abirbrothoc cancellario nostro Willelmo comite Rossensi Malcolmo comite de Leuenax Gilberto de Haia constabulario nostro Scocie et Roberto de Keth marescallo nostro Scocie militibus Apud Inchethor septimo die Aprilis anno regni nostri septimo