Charter Document - 07460130
| Charter Number: | 07460130 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1319 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Robertus dei gratia Rex Scottorum Justiciario ex parte boreali maris Scocie et Vicecomiti de Perth ac ballivis suis de Goveri qui pro tempore fuerint salutem Quia per bonam et fidelem assisam factam per probos et fideles homines patrie coram Thome Ranulphi comite Moravie et domino vallis Annandie et Mannie Justiciario nostro ex parte boreali maris Scocie evidenter extitit compertum quod religiosi viri abbas et conventus de Scona tempore bone memorie Domini Alexandri Regis Scotie predecessoris nostri ultimo defuncti vestiti et fas iti fuerunt in puram et perpetuam elemosinam de decimis omnium lucrorum et escaetarum tam de placitis Justiciarie in Goveri quam Vicecomitatus ejusdem Vobis mandamus et precipimus quatinus dictas decimas prefatis religiosis et eorum successoribus singulis annis persolvi faciatis inperpetuum Et quod in hoc apposueritis vobis in compotis vestris annuis plenius faciemus al locari In cujus rei testimonium has literas nostras perpetuo duraturas predictis religiosis fieri fecimus patentes Apud Sconam vicesimo secundo die Novembris Anno regni nostri quarto decimo