Charter Document - 07460128
| Charter Number: | 07460128 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1308 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens Episcopus servus servorum dei dilectis filiis Abbati et conventui monasterii de Scona ordinis Sancti Augustini Sancti Andree dyoecesis salutem et apostolicam benedictionem Devotionis vestre precibus inclinati ut possessiones et alia bona mobilia et immobilia que personas liberas fratrum vestrorum ad monasterium vestrum mundi vanitate Relicta con volantium et professionem facientium in eodem si Remansissent in seculo jure successionis vel quocunque justo titulo contigissent et que ipsi existentes in seculo potuissent vobis libere Rogare petere Recipere ac Retinere libere valeatis sine juris prejudicio alieni auctoritate vobis presentium indulgemus Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attemptare presumpserit indignationem omni potentis dei et beatorum Petri et Pauli apostolorum ejus se noverit in cursurum Datum pictauis viij Idus Februarij pontificatus nostri Anno tertio