Charter Document - 07460120
| Charter Number: | 07460120 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1273 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Gregorius Episcopus seruus seruorum dei Carissimo in Christo filio illustri Regi Scocie Salutem et apostolicam benedictionem Quanto majorem tibi dominus contulit potestatem tanto sub potenti manu ejus humiliorem te convenit exhibere diligenter ac sollicite precavendo ne Regni tui ecclesias et ecclesiasticas personas ipse graves in aliquo vel gravari ab aliis patiaris Sane ad nostram noveris audientiam per venisse quod tu ad ecclesiastica jura quod te non decet Regias manus extendens viros ecclesiasticos gaudere libertate debita non permittis ipsos super terris possessionibus et aliis in puram elemosinam ecclesie christi collatis necnon super causis dotalicij et ecclesiarum advocationibus respondere in seculari judicio contra sanctiones canonicas com pellendo ut igitur conscientie et fame tue salubriter consulas serenitatem Regiam Rogamus monemus et hortamur attente quatinus si est ita removens a te que sunt reprehensionis note subjecta super premissis de cetero ab ecclesiarum et clericorum injuriis abstineas reverenter Ita quod abolita offensa preterita diem gratie tu captes et nos mansuetudinem tuam debeamus in domino commendare Datum Perusii x kalendas Januarii pontificatus nostri anno fecundo