Charter Document - 07460116
| Charter Number: | 07460116 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1224 - 1245 |
| Date type: | Assigned |
| Resource Link(s): |
People of Medieval Scotland |
Charter:
Universis has litteras visuris vel audituris Stephanus de Melginche salutem Noverit universitas vestra me pro magna necessitate mea vendidisse canonicis de Scona ad operationem ecclesie domum quam Gilcrist tenuit cum tofto plenaria et cum duabus acris in villa de balursin scilicet et acram quam idem Gilcrist tenuit et aliam proximam ex occidentali parte adjacentem pro duabus marcis argenti quas recepi ab eis Tenenda sibi in perpetuum de me et heredibus meis tam libere tam quiete tam plenaria sicut aliqua domus Religionis in toto Regno Scocie ex venditione alicujus militis aliquam terram liberius quiecius honorificencius tenet et possidet Reddendo annuatim michi et heredibus meis pro omni servicio et onere unam libram cimini ad festum Sancti Johannis baptiste Ego vero Stephanus et heredes mei dictam terram dictis canonicis contra omnes homines Warantizabimus Habebunt etiam dicti canonici liberum egressum et ingressum et communem pasturam in ejusdem ville territorio et alia Eysiamenta Si vero contingat quod ego et heredes mei nominatis canonicis nominatam terram cum pertinentiis suis Warantizare non poterimus per visum legalium virorum et fide dignorum in loco tam competenti et tam commodo in feudo nostro de Melginche ad equivalentiam sepe dice terre plenissimum dabimus escambium ut autem hec venditio in posterum rata permaneat presens scriptum sigilli mei munimine Roboravi Testibus Wallet avunculo meo Johanne de Aya et multis aliis non hic nominatis