Charter Document - 07460114
| Charter Number: | 07460114 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1253 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius Episcopus servus servorum dei dilectis filiis Abbati et conventui de Scona ordinis Sancti Augustini Sancti Andree dioecesis salutem et apostolicam benedictionem Licet hiis de cuius munere venit ut sibi a fidelibus suis digne ac laudabiliter serviatur de abundancia pietatis sue que merita supplicum excedit et vota bene servientibus multa maiora retribuat quam valeant promereri nihilominus tamen desiderantes Reddere domino populum acceptabilem fideles Christi ad complacendum ei quasi quibusdam illecti vis premiis indulgentiis videlicet et remissionibus invitamus ut reddantur exinde divine gracie aptiores Cupientes igitur ut ecclesia vestra in honore Sancte Trinitatis et Sancti Michaelis prout asseritur dedicata congruis honoribus frequentetur Omnibus vere penitentibus et confessis qui ecclesiam ipsam in anniversario die dedicationis ipsius annis singulis venerabiliter visitarent omnipotentis dei misericordia et beatorum petri et pauli apostolorum ejus auctoritate confisi xl dies de injuncta sibi penitentia misericorditer relaxamus Datum lateran iij non novembris pontificatus nostri undecimo