Charter Document - 07460113

Innocentius Episcopus servus servorum dei dilectis filiis Abbati ecclesie Sancti Michaelis de Scona ejusque fratribus tam presentibus quam futuris regularem vitam professis Inperpetuum Religiosam vitam eligentibus apostolicum convenit adesse presidium ne forte cuilibet temeritatis incursus aut eos a proposito revocet aut Robur quod absit sacre religionis infringat Ea propter dilecti in domino filii vestris justis postulationibus clementer annuimus et ecclesiam Sancti Michaelis de Scona Sancti Andree dyoecesis in quo divino mancipati estis obsequio sub beati Petri et nostra protectione suscipimus et presentis scripti privilegio communimus In primis siquidem statuentes ut ordo canonicus qui secundum deum et beati augustini regulam in eadem ecclesia institutus esse dinoscitur perpetuis ibidem temporibus inviolabiliter observetur Preterea quascumque possessiones quecumque bona eadem ecclesia inpresentiarum juste et canonice possidet aut in futurum concessione pontificum largitione Regum vel principum oblatione fidelium seu aliis justis modis prestante domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo prefata ecclesia sita est cum omnibus pertinentiis suis cum pratis vineis terris nemoribus usuagiis et pascuis in bosco et plano in aquis et molendinis in viis et semitis et omnibus aliis libertatibus et immunitatibus suis Sane noualium vestrorum que propriis maribus aut sumptibus colitis de quibus aliquis hactenus non percepit sive de vestrorum animalium nutrimentis nullus a vobis decimas exigere vel extorquere presumat Liceat quoque vobis clericos vel laicos liberos et absolutos e seculo fugientes ad conversionem recipere et eos absque contradictione aliqua retinere Prohibemus insuper ut nulli fratrum vestrorum post factam in ecclesia vestra professionem fas sit sine Abbatis sui licentia nisi arcioris religionis obtentu de eodem loco discedere Discedentem vero absque communi litterarum vestrarum cautione nullus audeat retinere Cum autem generale interdictum terre fuerit liceat vobis clausis Januis exclusis ex communicatis et interdictis non pulsatis campanis dummodo causam non dederitis interdicto suppressa voce divina officia celebrare Chrisma vero oleum sanctum consecrationes altarium seu basilicarum ordinationes clericorum qui ad ordines fuerint promovendi a dyoecesano suscipietis Episcopo si quidem catholicus fuerit et gratiam et communionem sacrosancte sedis Romane habuerit et ea vobis voluerit sine pravitate qualibet exhibere Prohibemus insuper ut infra fines parochie vestre nullus sine assensu dyoecesani Episcopi et vestro capellam seu oratorium de novo construere audeat salvis privilegiis pontificum Romanorum Ad hec novas et indebitas exactiones ab Archiepiscopis Episcopis Archidiaconis seu decanis aliisque omnibus ecclesiasticis secularibusve personis a vobis omnibus fieri prohibemus Sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint aut etiam publice usurarij nullus obsistat Salua tamen iustitia illarum ecclesiarum a quibus mortuorum corpora assumuntur Decimas preterea et possessiones ad jus ecclesiarum vestrarum spectantes que a laicis deti nentur redimendi et legitime liberandi de manibus eorum et ad ecclesias ad quas pertinent revocandi libera sit vobis de nostra auctoritate facultas Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astutia seu violentia preponatur nisi quem fratres communi consensu vel fratrum major pars consilij sanioris secundum deum et beati Augustini Regulam providerint eligendum Paci quoque et tranquillitati vestre paterna in posterum sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus rapinam seu furtum facere ignem apponere sanguinem fundere hominem temere capere vel interficere seu violentiam audeat exercere Preterea omnes libertates et immunitates a predecessoribus nostris Romanis Pontificibus ecclesie vestre concessas necnon libertates et exemptiones secularium exactionum a Regibus et principibus et aliis fidelibus rationabiliter vobis indultas auctoritate apostolica confirmamus et presentis scripti privilegio com munimus Decernimus ergo ut nulli omnino hominum liceat prefatam ecclesiam temere perturbare aut ejus possessiones auferre vel ablatas retinere minuere seu quibuslibet vexationibus fatigare Set omnia integra conserventur eorum pro quorum gubernatione ac sustentatione concessa sunt usibus omnimodis profutura Salva sedis apostolice auctoritate et Dyoecesani Episcopi canonica justicia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptaverit secundo tertiove commonita nisi Reatum suum congrua satisfactione correxerit potestatis honorisque sui careat dignitate Reamque se divino judicio existere de perpetrata iniquitate cognoscat et a sacratissimo corpore ac sanguine dei et domini Redemptoris nostri ihesu christi aliena fiat atque in extremo examine districte subjaciat ulcioni Cunctis autem eidem loco sua jura servantibus sit pax domini nostri ihesu christi quatinus et hic fructum bone actionis percipiant et apud districtum Judicem premia eterne pacis inveniant Amen Ego Innocentius catholice Ecclesie Episcopus Ego Stephanus Sancte Marie transtiberim tituli Sancti Calixti presbiter cardinalis Ego frater Johannes tituli Sancti Laurencij in lucin presbiter cardinalis Ego frater Hugo tituli Santce sabine presbiter cardinalis Ego Raynaldus ostien et velletren Episcopus Ego Stephanus prenestinus Episcous Ego Ricardus Sancti Angeli diaconus cardinalis Ego Octauianus Sancte Marie in via lata diaconus cardinalis Ego Petrus Sancti Georgij ad velum Aureum diaconus cardinalis Ego Johannes Sancti Nicholai in carcere Tulliano diaconus cardinalis Ego Ottobonus Sancti Adriani diaconus cardinalis Data Lateran per manum Guilli magistri scholarum parmeni Sancte Romane ecclesie vice cancellarii Septimo kalendas februarij indictione xij incarnacionis dominice MCCLIIJ pontificatus vero domini Innocentij pape quarti anno undecimo