Charter Document - 07460112
| Charter Number: | 07460112 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1253 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Innocentius Episcopus servus servorum dei dilectis filiis Abbati et priori de Insula missarum Dumblanensis dyoecesis Salutem et apostolicam benedictionem dilectorum filiorum Abbatis et conventus de Scona ordinis Sancti Augustini Sancti Andree dyoecesis precibus benignum inpertientes assensum eis auctoritate literarum nostrarum duximus indulgendum ut super terris et aliis bonis ecclesie ipsorum que ad forum ecclesiasticum pertinere noscuntur ad respondendum vel litigandum in curia seculari contra fori clericalis privilegium aliquatenus compelli non possint Quocirca discretioni vestre per apostolica scripta mandamus quatinus non permittatis dictos abbatem et conventum contra concessionis nostre tenorem super hiis ab aliquibus indebite molestari Molestatores hujusmodi per censuram ecclesiasticam appellatione postposita compescendo Non obstante si aliquibus a sede apostolica sit indultum quod excommunicari suspendi vel interdici non possint per litteras apostolicas non facientes plenam et expressam de verbo ad verbum de indulto hujusmodi mentionem Datum Lateran iij Nonas Novembris pontificatus nostri Anno undecimo