Charter Document - 07460111
| Charter Number: | 07460111 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1252 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus sancte matris ecclesie filiis ad quos presens scriptum per venerit Rogerus de Derby canonicus ecclesie Dunkeldensis salutem eternam in domino Noverit universitas vestra me in bona prosperitate mea constitutum pro salute anime mee dedisse concessisse abbati et conventui de Scona totum illum annuum Redditum quem recipere consuevi pro quodam tofto in villa de Dunkeldyn quod habui de dono dictorum abbatis et conventus ac eosdem actornatus meos ad illum Reddi tum annuatim percipiendum ab assignatis meis dictum toftum tenentibus in perpetuum constituisse ita scilicet quod dicti abbas et conventus in vita mea nullum sibi ius in dicto tofto vendicent nisi duos solidos annuos et hospitium in quo cum ibidem venerint valeant hospitari secundum quod plenius continetur in Carta dictorum abbatis et conventus quam de ipsis super hoc habeo In cujus Rei testimonium presenti scripto sigillum meum apposui Actum apud Sconam die Jovis proxima post festum beati barnabe apostoli Anno domini MCCL secundo