Charter Document - 07460110
| Charter Number: | 07460110 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1263 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Universis sancte matris Ecclesie filiis presens scriptum visuris vel audituris Ricardus permissione divina Dunkeldensis Episcopus eternam in domino salutem Noverit universitas vestra nos ad plenum inspexisse plurimorum Episcoporum Dunkeldensium predecessorum nostrorum Ricardi videlicet Johannis Gilberti Galfridi concessiones et confirmationes monasterio de Scona et canonicis ibidem deo servientibus et servituris in perpetuum factas super ecclesiis de Logymehed in Athollia et de Rogorteuen in Starmund cum capellis decimis terris possessionibus Rectitudinibus obventionibus oblationibus et [] in villa de Dunkeld quam eis contulit bone memorie Galfridus Episcopus predecessor noster sibi a domino Alexandro Rege collatam antequam esset de gremio ecclesie Dunkeldensis et antequam dictam villam Episcopatui idem Rex contulisset Reddendo inde annuatim ecclesie Dunkeldensi ad festum Assumptionis beate Marie virginis unam libram incensi ad incensandum corpus Christi in elevatione In cuius Rei testimonium presenti scripto sigillum nostrum una cum sigillo capituli Dunkeldensis fecimus apponi Datum apud Insulam Sancte columbe in crastino cinerum Anno gratie MCC sexagesimo tertio Teste capitulo