Charter Document - 07460103

Honorius episcopus servus servorum Dei dilectis filiis abbati monasterij sancte trinitatis de Scona ejusque fratribus tam presentibus quam futuris regularem vitam professis in perpetuum Quotiens a nobis petitur quod religioni et honestati convenire dinoscitur animo nos decet libenti concedere ac petentium desideriis congruum suffragium impertiri Ea propter dilecti in domino filii vestris justis postulationibus clementer annuimus et prefatum monasterium sancte trinitatis de Scona in quo divino estis obsequio mancipati sub beati Petri et nostra protectione suscipimus et presentis scripti privilegio communimus In primis siquidem statuentes ut ordo canonicus qui secundum Deum et beati Augustini regulam in eodem loco institutus esse dinoscitur perpetuis ibidem temporibus inviolabiliter observetur Preterea quascumque possessiones quecunque bona idem monasterium inpresentiarum juste ac canonice possidet aut in futurum concessione pontificum largitione regum vel principum oblatione fidelium seu aliis justis modis prestante domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis locum ipsum in quo prefatum monasterium situm est cum omnibus pertinentiis suis ecclesiam de Cambusmichel cum pertinentiis suis ecclesiam de Inuergouerin cum pertinentiis suis ecclesiam de Lyf cum pertinentiis suis ecclesiam de Logy Dunde cum pertinentiis suis ecclesiam de Lochoruer cum pertinentiis suis ecclesiam de Kerinthon cum pertinentiis suis ecclesiam de Logy Mached cum capellis suis ecclesiam de Heyth cum pertinentiis suis ecclesiam de Evein cum capellis suis ecclesiam de Kyldonach cum capellis et terris suis de Scona de Crag de Kynfauns et de Rath capellas cum pertinentiis suis Ex dono clare memorie Alexandri Regis Scotie villam Inverbos cum sex carucatas terre villam de Benchorin cum tribus carucatas terre Fotheros Kynthred Fyngask Dufrothin Lyf Grudyn et Inuergowrin cum terris et possessionibus suis in Ednesburch in Strivelyn in Inuerkethyn in Perth in Aberdon in Lynliseu tofta cum pertinentiis suis Redditus duorum recium in aqua de They redditus unius retis in Forthi apud Strivelyn insulam de Lochtey cum pertinentiis suis canum et consuetudines unius navis in burgo de Perth curiam in Scona cum pertinentiis suis Ex dono clare memorie David Regis Scottorum redditus triginta solidorum in villa de Perth villam de Cambusmichell cum pertinentiis suis de Scona de Cupre de Foregrunde et de Strathardell redditus Redditus molendinorum super Amun redditus de Forgrund ac alias possessiones cum pratis vineis terris nemoribus usuagiis et pascuis in bosco et plano in aquis et molendinis in viis et semitis et omnibus aliis libertatibus et immunitatibus suis Sane novalium vestrorum que propriis manibus aut sumptibus colitis vel de nutrimentis animalium vestrorum nullus a vobis decimas exigere vel extorquere presumat Liceat quoque vobis clericos vel laicos liberos et absolutos e seculo fugientes ad conversionem recipere ac eos absque contradictione aliqua retinere Prohibemus insuper ut nulli fratrum vestrorum post factam in monasterio vestro professionem fas fit sine abbatis sui licencia de eodem loco nisi arcioris religionis obtentu discedere Discedentem vero absque communi litterarum vestrarum cautione nullus audeat retinere Prohibemus insuper ut infra fines parochie vestre nullus sine assensu dyoecesani episcopi et vestro capellam seu oratorium constituere audeat Salvis privilegiis pontificum Romanorum Sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat Salva tamen justicia illarum ecclesiarum a quibus mor tuorum corpora assumuntur Decimas preterea et possessiones ad jus ecclesiarum vestrarum spectantes que a laicis detinentur redimendi et legitime liberandi de manibus eorum et ad ecclesias ad quas pertinent revocandi libera sit vobis de nostra auctoritate facultas Obeunte vero te nunc ejusdem loci abbate vel tuorum quolibet successorum nullus ibi qualibet surreptionis astucia seu violentia preponatur nisi quem fratres communi consensu vel fratrum pars majoris et sanioris consilij secundum deum et beati Augustini regulam providerint eligendum Paci quoque et tranquillitati vestre paterna in posterum sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus rapinam seu furtum facere ignem apponere sanguinem fundere hominem temere capere vel interficere seu violentiam audeat exercere Preterea omnes libertates et immunitates a predecessoribus nostris Romanis pontificibus ecclesie vestre concessas necnon libertates et exemptiones secularium exactionum a Regibus et principibus vel aliis fidelibus rationabiliter vobis indultas auctoritate apostolica confirmamus et presentis scripti privilegio communimus Decernimus ergo ut nulli omnino hominum liceat prefatum monasterium temere perturbare aut eius possessiones auferre vel ablatas retinere minuere seu quibuslibet vexationibus fatigare set omnia integra conserventur eorum pro quorum gubernatione ac sustentatione concessa sunt usibus omnimodis profutura Salva sedis apostolice auctoritate et dyoecesani episcopi canonica justitia Si qua igitur in futurum ecclesiastica secularisue persona hanc nostre constitutionis paginam sciens contra eam temere venire temptaverit secundo tertioue commonita nisi reatum suum congrua satisfactione correxerit potestatis honorifque sui careat dignitate reamque se divino judicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Jesu Christi aliena fiat atque in extremo examine districte subjaceat ultioni Cunctis autem eidem loco sua jura servantibus sit pax domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Amen Amen Ego Honorius catholice ecclesie Episcopus Ego Guala Sancti Martini presbiter Cardinalis Titulo equirij Ego Stephanus basilice duodecim apostolorum presbiter cardinalis Ego Thomas Titulo Sancte Sabine presbiter cardinalis Ego Hugo hostiensis et velletrensis Episcopus Ego Conradus portuensis et Sancte Ruffine Episcopus Ego Guydo prenestiensis Episcopus Ego Oct Sanctorum Sergij et Bacchi Diaconus cardinalis Ego Raynerius Sancte Marie in Cosmidin Diaconus cardinalis Ego Stephanus Sancti Adriani Diaconus cardinalis Datum Lateran per manum magistri Simbaldy auditoris litterarum contra dictarum domini pape xvi kalendas Januarij indictione xv dominice Anno MCC vicesimo sexto Incarnationis Pontificatus vero domini Honorij pape tercij Anno undecimo