Charter Document - 07460102
| Charter Number: | 07460102 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1225 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Honorius Episcopus servus servorum Dei dilectis filiis abbati et conventui de Scona ordinis Sancti Augustini salutem et apostolicam benedictionem Cum a nobis petitur quod justum est et honestum tam vigor equitatis quam ordo exigit rationis ut id per solicitudinem officij nostri ad debitum perducatur effectum Cum itaque sicut ex vestra insinuatione didicimus bone memorie Johannes titulus Sancti Stephani in Celio monte presbiter Cardinalis dum in partibus illis legationis officio fungeretur ecclesiam de Cherintun quam habetis in propriis usibus reparationi ecclesie vestre ac edificiorum vestrorum vobis volentibus et petentibus deputavit nos vestris precibus inclinati quod ab eodem legato prouide et canonice factum est auctoritate apostolica confirmamus et presentis scripti patrocinio com munimus Districtius inhibentes ne quis a uobis de ortis virgultis et animalium nutrimentis decimas audeat extorquere Nulli ergo omnino hominum liceat hanc paginam nostre confirmationis et inhibitionis infringere vel ei ausu temerario contraire si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum Datum Reate quarto kalendas Januarij Pontificatus nostri Anno decimo