Charter Document - 07460100
| Charter Number: | 07460100 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Inspeximus |
| Date: | 1236 - 1249 |
| Date type: | Assigned |
| Resource Link(s): |
People of Medieval Scotland |
Charter:
Universis sancte matris ecclesie filiis presens scriptum visuris vel audituris Galfridus permissione divina Dunkeldensis episcopus eternam in domino salutem Noverit universitas vestra nos ad plenum inspexisse plurimorum episcoporum Dunkeldensium predecessorum nostrorum concessiones et confirmationes monasterio de Scona et canonicis ibidem Deo servientibus et servituris in perpetuum factas super ecclesiis de Logy Mehed in Athollia et de Rothgortanan in Starmun cum capellis decimis terris possessionibus rectitudinibus obventionibus oblationibus et omnibus aliis ad easdem ecclesias juste pertinentibus in usus suos proprios libere convertendis et insuper donationem Henrici comitis de Athollia factam super uno tofto in eadem Logyn cum communi pastura et cum de jure non possemus nec vellemus eorum facto honesto injuste contraire nec pias eorum collationes et confirmationes predicto monasterio factas infirmare Nos eodem spiritu pietatis ducti quo et illi de consensu et assensu capituli ecclesie Dunkeldensis collationes et concessiones confirmationes predicto monasterio a prenominatis factas ratas et gratas habentes concedimus et in perpetuum confirmamus concedimus etiam abbati et canonicis prefati monasterij et eorum successoribus in perpetuum ut predictas ecclesias scilicet de Logy Mehed et de Rogortenen totaliter in usus suos proprios convertant et ita libere et quiete plenaria et honorifice teneant et possideant sicut aliqua Abbatia in regno Scotie aliquas ecclesias in proprios usus conversas liberius quietius et honorificentius tenet et possidet Ita tamen quod idem canonici ecclesiis predictis per ydoneos capellanos vel si maluerint per proprios canonicos faciant de serviri Salvis episcopalibus Preterea confirmamus eisdem terram illam in villa de Dunkelden quam eis contulimus nobis a domino Alexandro rege collatam antequam essemus de gremio ecclesie Dunkeldensis et antequam dictam villam Episcopatui idem rex contulisset Reddendo inde annuatim ecclesie Dunkeldensi ad festum assumptionis beate Marie virginis unam libram incensi ad in censendum corpus Christi in elevatione Testibus []