Charter Document - 07460099
| Charter Number: | 07460099 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1229 - 1236 |
| Date type: | Assigned |
| Resource Link(s): |
People of Medieval Scotland |
Charter:
Gilbertus Dei gratia episcopus Dunkeldensis omnibus sancte matris ecclesie filiis et fidelibus litteras istas visuris vel audituris eternam in domino salutem Noverit universitas vestra nos divine caritatis intuitu et de communi assensu et consensu capituli nostri concessisse et hac carta nostra confirmasse ecclesie sancte trinitatis de Scona et abbati et canonicis ibidem Deo servientibus et servituris in perpetuum ecclesiam de Logy Mahed in Athollia in proprios usus suos totaliter convertendam cum omnibus capellis suis et cum plenariis decimis beneficiis et rectitudinibus obventionibus oblationibus et omnibus aliis ad eandem ecclesiam juste pertinentibus et unum toftum in prefato Logyn cum communi pastura sicut in carta comitis Henrici deinde facta continetur Tenendam sibi in perpetuum ita libere et quiete plenaria et honorifice sicut aliqua abbatia in regno Scotie aliquam ecclesiam liberius quietius et honorificentius tenet vel possidet Salvis episcopalibus Testibus capitulo Dunkeldensi et multis aliis