Charter Document - 07460096

Omnibus Christi fidelibus has literas visuris vel audituris Matilda quondam uxor Johannis Furbur et omnes fratres et parentes tam dicti Johannis quam mulieres et tota commune de Perth Salutem in domino Noueritis nos de comuni consilio parentum et amicorum nostrorum burgensium et totius commune de Perth quietum clamasse pro liberis Johannis Furbur de Perth abbati et canonicis de Scona totum jus quod ipsi liberi habuerunt vel habere potuerunt in terra unda et incendio vastata quam scilicet Johannes Furbur pater predictorum liberorum emerat de Gilberto filio Vdard de Forfar et uxore sua Christina pro tribus marcis argenti quas predicti abbas et canonici nobis ad opus predictorum liberorum dederunt que terra videlicet adjudicata fuit ipsis canonicis in plena Curia ob defectum solutionis unius marce quam ipsi canonici annuatim de predicta terra perceperunt Et retro fuit per annos plures et licet terram illam eisdem adjudicatam de jure comuni possidere potuissent tamen ut eam pleno jure et pacifico in perpetuum prepedissent supra memoratam pecuniam liberis supradictis ex abundanti dederunt Hec est igitur illa terra que jacet inter terram Amabille et terram arnaldi niterius quoniam frons ejusdem terre ex longa possessione ipsorum fuit canonicorum Reddendo inde annuatim domino Regi duodecim denarios et Alberto de Dunde quatuor solidos In hujus igitur rei testimonium ad instantiam nostram et amicorum nostrorum appositum est sigillum nostrum commune de Perth Hiis testibus domino Galfrido de liberatione magistro Willelmo de Perth domino Willelmo de Nydyn clerico domini regis magistro Johanne de Ewerlay Mauricio clerico de Glenylif magistro Duncano clerico domini episcopi sancti Andree domno Drewe capellano domino Thome de liberatione et multis aliis