Charter Document - 07460095
| Charter Number: | 07460095 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1245 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Johannes clericus filius Mathei Lorimarij de Perth salutem Noverit universitas vestra quod cum mota esset controversia in curia burgensium de Perth inter me ex una parte et venerabilem virum dominum Robertum abbatem et conventum de Schona ex altera super quadam terra quam Willelmus bone memorie Rex Scotie Hugoni Lorimari et heredibus suis pro servitio suo contulit et quam terram Willelmus de Len burgensis de Perth per pecuniam suam comparavit et abbati et conventui de Scona pro anima sua in perpetuum dedit controversia in hunc modum conquievit videlicet quod ego Johannes recognoscendo jus abbatis et conventus de Scona totam predictam terram et totum jus meum quod in dicta terra habui vel me habuisse credidi Scilicet abbati et conventui pro me et heredibus meis per rectas divisas suas secundum quod in carta domini Willelmi Regis Scotie et domini Regis Alexandri et filij sui confirmationem plenius continetur quietam clamavi Istam vero quietam clamationem et juris recognitionem feci ego apud Pert in predicta terra coram burgensibus ejusdem ville anno gratie MCCXL quinto mense Maij Juramento corporaliter prestito pro me et heredibus meis ut dictum est pro ista quieta clamatione et juris recognitione fideliter observando Et si contingat quod ego vel aliquis heredum meorum contra predictam quietam clamationem temere contempto juramento venire temptaverit dictos abbatem et conventum Super predicta terra trahendo ad placita sive in foro civili sive ecclesiastico in nulla curia in posterum exaudietur ut ista autem quieta clamatio rata et inconcussa permaneat huic scripto quia sigillum notum non habeo ad petitionem meam apposita sunt hec sigilla Scilicet sigillum commune burgensium de Perth et sigillum domini Elie decani de Perth et istorum militum scilicet domini Willelmi de Munthfichet vicecomitis de Perth domini Walteri de Rothven domini Willelmi de Blar et domini Willelmi Olifarth Hiis testibus Johanne Cokyn preposito de Perth Michaele filio Serlonis Johanne de Bello Joanne filio Lene Henrico de Birie Henrico de Bedeforth Willelmo de Gragin Thome Thirithec Laurencio filio Wyth judice de Perth Nicholao de Scartheburg Michale de Scona Ricardo filio Maud et multis aliis