Charter Document - 07460088
| Charter Number: | 07460088 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1240 - 1260 |
| Date type: | Assigned |
| Resource Link(s): |
People of Medieval Scotland |
Charter:
Omnibus sancte matris ecclesie filiis presens scriptum visuris vel audituris Ricardus de Leycestria burgensis de Perth eternam in domino salutem Noverit universitas vestra me pro salute anime mee dedisse et concessisse et hac presenti carta mea confirmasse Deo et beate Marie et ecclesie beati Michaelis de Scona et canonicis ibidem Deo servientibus et servituris unam botham in villa de Perth illam scilicet quam quondam emi de Kymm de Scona que scilicet sita est in angulo contingente magnam viam aquilonarem de Perth et viam que de ea procedit versus ecclesiam Sancti Johannis baptiste in occidentali parte Tenendam et habendam sibi in perpetuum libere et quiete inveniendo inde ad luminare altaris beate Marie in ecclesia Sancti Johannis de Perth unum Cereum perpetuum ita convenientem et honorabilem sicut idem Ricardus vel aliquis burgensis totius ville de Perth aliquem Cereum ad dictum luminare decentius et honorabilius invenit vel invenire consuevit quod super fuerit de firma dicte bothe sive majus sive minus expendatur in luminari altaris beate Marie in ecclesia de Scona Hiis testibus Magistro Roberto de Laycestir consanguineo meo domino Helia decano et vicario tunc temporis de Perth Henrico filio Galfridi Michaele filio Serlon Willelmo de Dunde Johanne filio Lene Johanne Cokyn Alano Redberd Symone de Kref Radulpho clerico tunc vicecomite de Perth et multis aliis