Charter Document - 07460087
| Charter Number: | 07460087 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1247 |
| Date type: | Internal, A.D. |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Orabilla soror et heres domini Hugonis Say uxor quondam Reginaldi de Warennia eternam in domino salutem Noverit universitas vestra me in bona prosperitate mea et in libera viduitate constitutam dedisse concessisse et hac presenti carta mea confirmasse pro salute anime mee et antecessorum et successorum meorum Deo et ecclesie Sancte Trinitatis et Sancti Michaelis de Scon et abbati et canonicis ibidem Deo servientibus et in perpetuum servituris unum toftum et croftum plenarium et integrum in territorio ville de Kyntulach illa scilicet que de dicto Hugone Say quondam tenuerunt et tres acras terre in prefato territorio de Kyntulach unam scilicet acram que jacet juxta illam acram quam prius tenuerunt de prefato Hugone Say fratre meo scilicet ex occidentali parte et alias duas acras que jacent ex orientali parte vie procedentis de eadem villa versus molendinum Tenendam et habendam sibi et successoribus suis in perpetuum de me et heredibus meis in liberam puram et perpetuam elemosinam cum justis pertinentiis et libertatibus ad eandem terram spectantibus vel de jure spectare debentibus et cum communibus aysiamentis ejusdem ville adeo libere quiete plenaria et honorifice sicut aliqua elemosina in toto Regno Scotie liberius quietius et honorificentius tenetur et possidetur Et ut hec mea donatio perpetue firmitatis robur optineat presens scriptum dictis abbati et canonicis sigilli mei munimine tradidi roboratum Datum apud Scon Anno MCC quatragesimo septimo Testibus domino Malisio Comite de Stratherin Roberto de Bercelay et aliis multis