Charter Document - 07460086
| Charter Number: | 07460086 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1214 - 1236 |
| Date type: | Assigned |
| Resource Link(s): |
People of Medieval Scotland |
Charter:
Omnibus has literas visuris vel audituris Henricus baldus aurifaber de Perth salutem Noverit universitas vestra me dedisse et concessisse et hac carta mea confirmasse Deo et ecclesie Sancte Trinitatis et Sancti Michaelis de Scona et abbati et canonicis ibidem Deo servientibus et servituris in puram et perpetuam elemosinam duas bothas meas cum solario superposito in burgo de Perth in terra illa quam Willelmus pie memorie Rex Scottorum michi dedit pro homagio et servitio meo scilicet illas duas bothas que sunt in fronte vici illius qui tendit de ecclesia sancti Johannis baptiste versus Castellum de Perth in orientali parte contra domum Andree filij Symonis videlicet illas duas bothas versus aquilonem Tenendas et habendas in perpetuum libere quiete plenaria et honorifice Reddendo inde annuatim camere domini Regis Scottorum unam libram piperis ad festum Sancti Michaelis pro omni servitio et Monachis de Cupro annuatim dimidiam petram cere ad purificationem beate marie nomine elemosine Et ut hec donatio mea rata fit et inconcussa presentem paginam sigillo meo roboravi Et quia sigillum meum non est autenticum ad petitionem meam sigillum commune burgi de Perth est appositum Hiis testibus Waltero de Neuthon et Henrico de Abirnyt militibus Galfrido de Perth clerico domini Regis Henrico filio Galfridi preposito de Perth Ricardo de Laicestyr Johanne filio Lene David Jape Willelmo de Dunde Jacobo filio Jacobi filij hucredi Willelmo Sper Ricardo de Lenna et multis aliis