Charter Document - 07460082
| Charter Number: | 07460082 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Sale |
| Date: | 1219 |
| Date type: | Assigned |
| Resource Link(s): |
People of Medieval Scotland |
Charter:
Sciant universi presens scriptum visuri vel audituri quod anno ab incarnatione domini MCCXIX Regni regis Alexandri secundi [anno] v Johannes ylbaren de Perth vendidit canonicis de Scona locum tofti quem habuerant antequam inundatio fluminis per violentiam eum asportaverat in australi parte pontis proximi in oriente versus flumen de They in capite scilicet totius vici habentem in longitudine lxx pedes et in latitudine xx Et hoc fecit idem Johannes quia non potuit prefatum toftum prenimia profunditate aque in pristinum statum relevare Potuit etiam idem Johannes locum prefatum licite vendere tanquam rem propriam in qua nullus alius canonicis habuit vel habere potuit de iure Et ut hec venditio rata fit et inconcussa et in perpetuum duratura Nos eo tempore prepositi de Perth scilicet Symon de Camera et Willelmus filius Joelis et Jacobus filius huchtredi et ceteri burgenses de eadem villa scilicet Henricus filius Galfridi Serlo talbator et Willelmus filius ejus Henricus baldus Robertus filius fulconis Willelmus filius huchtredi Ricardus filius Andree Petrus filius David Clerici Robertus faber Benedictus et Henricus filij Walteri de Sancto Edmundo Johannes filius David Galfridus Redberd Alanus et Osbertus fratres eius Willelmus Loueprud et Serlo filius eius Robertus de Standford Willelmus Whetberd David yeap huius venditionis testes fumus Et ad majorem huius venditionis corroborationem sigillum nostrum commune huic scripto apposuimus