Charter Document - 07460080
| Charter Number: | 07460080 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1235 - 1246 |
| Date type: | Assigned |
| Resource Link(s): |
People of Medieval Scotland |
Charter:
Universis fidelibus has litteras visuris vel audituris Rogerus de Quinci comes Wintonie Constabillarius Scotie salutem Noverit universitas vestra nos concessisse et hac presenti carta nostra confirmasse abbati de Scona et canonicis ibidem Deo servientibus et servituris in perpetuum terram que quondam fuit Willelmi de Len in villa de Perth ad constabularium Scotie pertinentem quam dictus Willelmus eis contulit sicut in carta predicti Willelmi dictis canonicis inde confecta plenius conti netur et sicut carta Alani filij Rolandi bone memorie quondam constabularii Scocie predicto Willelmo inde confecta prefato Willelmo plenanariam faciendi assignatos contulit potestatem vestra terram illam cum domo lapidea in vico qui procedit de magna via aquilonari tendente versus infulam que jacet inter dictum vicum et aquam de Tay vestra domum lapideam et totam terram inter ipsam domum et aquam ad eandem domum pertinentem et gardinum extra muros de Perth quod pertinet ad predictam terram predicti vero canonici nullum clamium vel calumpniam habere poterunt in terra Johannis Sparcund que similiter pertinet ad constabularium Concedimus igitur dictam terram et domum lapideam et gardinum superius nominatum predictis abbati et canonicis tenenda et habenda sibi et successoribus suis de nobis et heredibus nostris in perpetuum libere honorifice plenaria et quiete Reddendo inde nobis et heredibus nostris annuatim decem solidos argenti scilicet v solidos ad Pentecostes et v solidos ad festum sancti martini in yeme pro omni servitio consuetudine et demanda Saluo nobis et heredibus nostris et ballivis nostris et heredum nostrorum hostilagio competenti in predicta domo lapidea et in omnibus aliis domibus habebimus aisiamentum nostrum que domus erunt in predicta terra vestra infra curiam dicte domus cum nos vel heredes nostri vel ballivi nostri vel heredum nostrorum in predicta domo lapidea erimus hospitati et salua nobis et heredibus nostris curia nostra in eadem terra tenenda et saluis placitis et misericordiis et si que fuerint escaete predicti vero canonici predictam domum lapideam et alias domus in predicta terra honorifice sustinebunt Si vero aliquis clamium vel calumpniam in dicta terra voluerit movere salvo cuiuslibet iure causa inter litigantes mota per rectam legem et assisam terre in curiam nostram finem debitum sortietur hiis testibus []