Charter Document - 07460077
| Charter Number: | 07460077 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1236 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia Rex Scotie omnibus probis hominibus totius terre sue salutem Sciatis nos dedisse concessisse et hac carta nostra confirmasse Deo et sacriste de Scona ad sustentationem duorum cereorum in eadem ecclesia in perpetuum terras subscriptas que fuerunt Galfridi de liberatione clerici nostri quas etiam predicte sacriste concessit scilicet terras quas ei dederamus in villis de Clakmanan de Scon de Dunkeldyn et de Invernes Et preterea unam petram cere percipiendam singulis annis de domo que fuit Roberti de London fratris nostri in burgo de Aberdon quam similiter eidem Galfrido clerico nostro ad hoc concessimus Tenendum et habendum ad sustentationem predictorum cereorum in liberam puram et perpetuam elemosinam ita libere et quiete sicut aliqua elemosina in regno nostro liberius aut quietius possidetur Testibus Willelmo episcopo glasguensi cancellario Roberto capellano nostro magistro David de Bernham camerario magistro Willelmo de Lyndissey decano glasguensi Thome filio Ranulphi Alexandro de Strivelyn Willelmo de Hauden Apud Melros vicesimo quarto die Februarii anno regni domini Regis vicesimo fecundo