Charter Document - 07460067

Alexander Dei gratia Rex Scottorum omnibus probis hominibus totius terre sue salutem Sciant presentes et futuri nos in excambium decime panis expensi in hospitio nostro et hospitio Regine sponse nostre et rectitudinum omnium quas canonici de Scona percipere consueverunt in coquinis et larda riis nostris et Regine sponse nostre et pro decimis quas similiter percipere consueverunt in terris nostris de Blar dedisse concessisse et hac carta nostra confirmasse Deo et beato Michaeli de Scona et canonicis ibidem Deo servientibus et in perpetuum servituris terras nostras de magna Blar et de parva Blar exceptis duabus carucatas terre et dimidia mensuratis in feudo de magna Blar quas dedimus monachis de Cupyr in excambium communionis more de Blar qua prius usi fuerunt Tenendum et Habendum eisdem canonicis in liberam et perpetuam elemosinam per rectas divisas suas et cum omnibus iustis pertinentiis suis in bosco et plano in terris et aquis in pratis et pascuis in moris et mariscis in stagnis et molendinis cum socco et sacca cum furca et solla cum tol et teym infangandthef et cum omnibus aliis ad predictas terras iuste pertinentibus libere quiete plenaria et honorifice Faciendo forinsecum servitium tantum quod pertinet ad quinque davachas terre Servitium vero pertinens ad sextam davacham de Blar dictis canonicis Remisimus pro predicta terra quam contulimus monachis de Cupir Saluis nobis placitis et querelis et libertatibus ad coronam nostram spectantibus de prefatis terris Nos autem vel heredes nostri nullum forestarium habebimus in dictis terris nec dicti canonici per se vel per alios modo aliquo venabuntur in eisdem terris ad feras nostras capiendas Testibus Willelmo episcopo glasguen cancellarius Clement episcopo dunblanensis Patricius comite de dunbar Walter filio Alani Senescalus iusticiis scotie Waltero Olifard Justiciis Laodon Dauid Marescallo Willelmo de lindes Apud Treuequer primo die Junij Anno Regni domini regis xxj