Charter Document - 07460063
| Charter Number: | 07460063 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1226 - 1249 |
| Date type: | Assigned |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus probis hominibus totius terre sue salutem Sciant presentes et futuri nos concessisse et hac carta nostra confirmasse donationem illam quam Robertus Abbas et conventus de Scona in pleno capitulo suo fecerunt nomine compositionis Gregorio de Cambismichel de terris de crouchyn et de cloncater in escambium terre de Cambismichel quam dictus Gregorius de eis tenuit et de qua fuit contentio inter ipsos Tenendum et habendum dicto Gregorio et quatuor heredibus suis de corpore suo directe et legitime procedentibus vel de ipsis legitime descendentibus usque ad quartum heredem de predictis abbate et conventu et eorum successoribus per rectas divisas suas et cum omnibus iustis pertinentiis et libertatibus suis ita libere quiete plenaria et honorifice sicut chirographum super dicta compositione et donatione inter ipsos confectum plenius iuste testatur Salvo servicio nostro con tingente autem quod dictus Gregorius vel aliquis heredum suorum de cedat sine herede de proprio corpore legitime descendente Volumus ut predicte terre scilicet cruchyn et cloncater ad canonicos de Scona in perpetuum revertantur sicut in eodem chirographo plenius continetur Teste patricio comite Dunbar