Charter Document - 07460059
| Charter Number: | 07460059 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1218 - 1220 |
| Date type: | Assigned |
| Resource Link(s): |
People of Medieval Scotland |
Charter:
Alexander Dei gratia Rex Scottorum omnibus Sancte matris ecclesie fidelibus presentem cartam inspecturis salutem Sciant presentes et futuri nos concessisse et Regia auctoritate confirmasse Deo et ecclesie Sancte Trinitatis de Scona et abbati et canonicis ibidem Deo servientibus et servituris omnes ecclesias terras possessiones libertates rectitudines consuetudines et cetera omnia que antecessores nostri Rex Alexander Rex David Rex Malcolmus et Rex Willelmus pater noster predicte ecclesie dederunt et concesserunt et per cartas suas confirmaverunt et sicut carte quas ipsi canonici idem habent testantur Volumus itaque et precipimus ut predictus abbas et canonici supradicti habeant et teneant plene et integre et inconcusse et ita libere et quiete sicut eadem melius et plenius liberius et quietius tenuerunt aliquo tempore alicujus antecessorum nostrorum et sicut aliqua ecclesia in Regno nostro res et possessiones suas melius et plenius liberius et quietius et honorificentius tenet aut possidet et sicut carta et confirmatio domini regis Willelmi patris nostri inde facta predictis canonicis testantur et confirmant Testibus Roberto episcopo Rossenfi Willelmo de boscho cancellario Adam et Roberto capellanis nostris Johanne de haia Hugone de camerario Apud Forfar xxix die Novembris