Charter Document - 07460049
| Charter Number: | 07460049 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1178 - 1188 |
| Date type: | Assigned |
| Resource Link(s): |
People of Medieval Scotland |
Charter:
Hugo dei gratia ecclesie sancti andree humilis minister Omnibus sancte matris ecclesie filiis salutem Sciant tam posteri quam presentes nos concessisse et hac carta nostra confirmasse ecclesie de Scone et canonicis ibidem Deo servientibus et servituris duas parcas terre quas predecessor noster Ricardus bone memorie eisdem dedit in burgo nostro de Sancti Andree tenendas sicut carta eiusdem testatur et confirmat Sciant quoque nos dedisse et concessisse et hac carta nostra confirmasse eidem ecclesie de Scon et canonicis in liberam et perpetuam elemosinam alias duas parcas terre predictis duabus adiacentes ut sit plenarium toftum quatuor parcarum Tenendas libere quiete et honorifice Quare volumus et episcopali auctoritate precipimus ut predicti canonici predictas quatuor parcas terre a Deo libere teneant quiete et honorifice possideant sicut aliqua Abbacia aliquam terram vel aliquod toftum in aliquo burgo totius Regni liberius tenet quietius et honorificentius possidet Testibus Waltero Archidiacono Sancti andree Hugone monacho de Abirbrothoc Alexandro et Gregorio capellanis episcopi Willelmo persona de deruesin Roberto capellano Hugone senescallo Stephano camerario episcopi Roberto de Eboraco Hugone delboys magistro gamello hostiario