Charter Document - 07460048
| Charter Number: | 07460048 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1172 - 1178 |
| Date type: | Assigned |
| Resource Link(s): |
People of Medieval Scotland |
Charter:
Ricardus dei gratia ecclesie beati Andree humilis minister Universis sancte matris ecclesie filiis salutem Sciant tam posteri quam presentes nos dedisse et concessisse et presentis scripti pagina confirmasse abbati de Scona et canonicis ibidem Deo seruientibus in liberam puram et perpetuam elemosinam ecclesias quas bone memorie Reges Alexander Malcolmus et Willelmus eis in dioecesi nostra per concilium et institutionem venerabilium predecessorum nostrorum episcoporum Roberti et Ernaldi concesserunt assignauerunt et confirmauerunt Scilicet ecclesiam de Scona et eiusdem capellas de Kynfaunes de Crag et de Rate ecclesiam de Lyf ecclesiam de Innergoueryn ecclesiam de Cambusmichel ecclesiam de Lochoruer ecclesiam de Kerintun Has igitur ecclesias cum capellis et omnibus aliis pertinentiis vel rectitudinibus suis prefato Abbati et canonicis ad proprios usus suos damus et confirmamus licentiam quoque eis concedimus capellanos quoscunque voluerint ydoneos et quando voluerint in ipsis ecclesiis retinere et removere Salvis episcopalibus nobis et successoribus nostris de omnibus ecclesiis prefatis annuatim reddentibus excepta canonica sua de Scona et capellis ad eas pertinentibus quas ab omni exactione et consuetudine episcopali volumus et concedimus esse exemptas Testibus []