Charter Document - 07460045
| Charter Number: | 07460045 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1196 - 1199 |
| Date type: | Assigned |
| Resource Link(s): |
People of Medieval Scotland |
Charter:
Willelmus dei gratia Rex Scottorum omnibus probis hominibus totius terre sue clericis et laicis salutem Sciant presentes et futuri me dedisse et concessisse et hac carta mea confirmasse Henrico Baldo terram illam in burgo meo de Pert quam Jacobus filius Simonis et alii prepositi mei de Pert ei per preceptum meum tradiderunt illam scilicet que est in fronte vici illius qui tendit de ecclesia Sancti Johannis baptiste usque ad castellum de Perth ex orientali parte contra domum Andree filii Simonis Tenendum sibi et heredibus suis de me et heredibus meis in feodo et hereditate libere et quiete plenaria et honorifice Reddendo inde annuatim camere mee unam libram piperis ad festum Sancti Michaelis Testibus Hugone Cancellario meo Philippo de Volone camerario meo Malcolmo filio comitis Duncani Willelmo de Haia Alexandro vicecomite meo de Striuelin Rogero de mortuo mari Philippo de Lundyn Apud Pert xiiii die Aprilis