Charter Document - 07460041
| Charter Number: | 07460041 |
|---|---|
| Cartulary Title: | Liber Ecclesie de Scon |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1178 - 1184 |
| Date type: | Assigned |
| Resource Link(s): |
People of Medieval Scotland |
Charter:
Hugo Dei gratia ecclesie Sancti Andree humilis minister Universis sancte matris ecclesie filiis clericis et laicis salutem Sciant tam posteri quam presentes nos dedisse et concessisse et hac carta nostra confirmasse ecclesiam et terram de Login dundho et omne ius quod in eis habuimus quietum clamasse ecclesie de Scone et canonicis ibidem deo servientibus et servituris in liberam et perpetuam elemosinam Quare volumus et auctoritate episcopali precipimus ut predicti canonici prenominatam ecclesiam cum omnibus eidem iuste pertinentibus et terram cum rectis divisis suis et pertinentiis adeo libere teneant quiete honorifice et plenaria possideant liberas et quietas ab omni servitio exactione et consuetudine ad nos pertinente sicut aliqua ecclesia sive terra in toto Regno liberius quietius honorificentius tenetur et possidetur Nobis et successoribus nostris faciendo de ecclesia episcopalia et de terra Reddendo annuatim dimidiam marcam argenti ad festum sancti Michaelis Testibus Andree Episcopo Catenensi erchenbaldo abbate de Dunfermelyne Waltero priore Sancti andree Waltero priore de Insula Sancti Columbe Waltero Archidiacono Sancti andree Gocelino Archidiacono de Dunkeld Hugone clerico regis Alexandro capellano magistro Willelmo Henrico dapifero Hugone pincerna