Charter Document - 07460018

Alexander Episcopus seruus seruorum dei dilectis filiis Roberto Abbati ecclesie beati Michaelis de Scona eiusque fratribus tam presentibus quam futuris Regularem vitam professis In perpetuum pie postulatio voluntatis effectu debet prosequente compleri vt deuotionis sinceritas laudabiliter enitescat et vtilitas postulata vires indubitanter assumat Ea propter dilecti in domino filii vestris iustis postulationibus clementer annuimus et prefatam ecclesiam in qua diuino mancipati estis obsequio sub beati petri et nostra protectione suscipimus et presentis scripti priuilegio communimus In primis siquidem statuentes vt ordo canonicus qui secundum deum et beati Augustini Regulam in eadem ecclesia institutus esse dinoscitur perpetuis ibidem temporibus inuiolabiliter obseruetur quascunque preterea possessiones quecunque bona eadem ecclesia in presentiarum iuste et canonice possidet aut in futurum concessione pontificum largitione Regum vel principum oblacione fidelium seu aliis iustis modis prestante domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Ex dono Alexandri quondam Regis Scottorum Innerbos cum septem carucatas terre Benchorin cum tribus carucatas fotheros cum vna carucata terre Kynuchred cum vna carucata terre Fyngasc cum vna carucata terre Duffortyn cum tribus carucatas Kluen cum tribus carucatas Lyf cum sex carucatas Grudyn cum decem carucatas Innergoueryn cum tribus carucatas Quinque tofta vnum apud Edynburch alterum apud Striuelyn alterum apud Innerkethin alterum apud Perth et alterum apud Abirdon Duo Retia super Tey unum illorum apud Kyncarrachin et alterum in Insula Regis vnum Rete in Forth apud Striuelyn canum et consuetudines vnius nauis singulis annis sicut in autentico scripto ejusdem Regis exinde facto continetur Pelles ouium et agnorum coria boum medietatem sepi vncti et sagminis et decimam panis et venationis Regis sicut in autentique scripto ipsius exinde facto continetur Insulam de Lochtey cum omnibus suis pertinentiis Ex dono Regis Dauid ad prefate ecclesie lumen viginti solidos de firmis de Perth decem solidos de firma molendinorum de Perth Cambusmichell cum omnibus terris et aquis pratis pascuis bosco et plano et piscariis et cum omnibus suis pertinentiis Decimam prebende ipsius Regis brasij cani coriorum et caseorum de quatuor maneriis suis scilicet de Goueryn de Forgrund de Scon de Cupre et de Strathardel Decimam duorum molendinorum eiusdem Regis que sunt super Amun Ecclesiam de Lochoruer cum terris decimis et suis pertinentiis Ecclesiam de Keringthon cum omnibus ad illam pertinentibus decimam totius parochie de Scon in annona in caseis in captionibus piscium et in aliis vnde decima danda est liberam quoque licentiam capiendi materiem in nemoribus Regis per totam Scotiam vbi vobis magis oportunum fuerit ad edificationem ecclesie vestre de Scon et domorum suarum De singulis aratris totius terre prefate Ecclesie de Scon singulis annis pro suo conueth ad festum omnium sanctorum vnam vaccam duos porcos quatuor clauinos farine decem thraues avene decem gallinas ducenta oua decem manipulos candelarum quatuor muratas sauonis viginti et dimidiam melas casei sicut in autentique scripto eiusdem Regis exinde facto continetur Ex dono Regis Malcolmi decimam frumenti de Forgrund et si ad aliusmodi firmam posita fuerit similiter et inde decimam vnum toftum in Lynlithcou communem pascuam vobis et hominibus vestris per maneria sua vbicumque terre vestre maneriis suis affines fuerint Rationabiles quoque libertates et consuetudines a Regibus vobis concessas sicut in autentique scripto eorum exinde facta continetur vobis auctoritate apostolica confirmamus Cum autem commune inter dictum terre fuerit liceat vobis clausis januis non pulsatis tintinnabulis exclusis excommunicatis et interdictis suppressa voce diuina officia celebrare Sepulturam quoque ipsius loci liberam esse concedimus ut eorum deuotioni et extreme voluntati qui se illic sepeliri deliberauerint nisi forte excommunicati vel interdici sint nullus obsistat salua tamen iusticia parochialium ecclesiarum de quibus mortuorum corpora assumuntur Obeunte vero te nunc eiusdem loci Abbate vel tuorum quolibet successorum nullus ibi qualibet subreptionis astucia seu violencia proponatur nisi quem fratres communi sensu uel fratrum pars sanioris consilij secundum deum et beati Augustini Regulam prouiderunt eligendum Decernimus ergo vt nulli omnino hominum liceat prefatam ecclesiam temere perturbare aut eius possessiones auferre vel ablatas retinere minuere aut aliquibus vexacionibus fatigare set omnia integra conseruentur eorum pro quorum gubernatione et sustentatione concessa sunt vsibus omnimodis profutura Salua in omnibus apostolice sedis auctoritate et dyoecesani episcopi canonica iusticia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire temptauerit secundo tertioue commonita si non reatum suum congrua satisfactione correxerit potestatis honorisque sui dignitate careat reamque si diuino iudicio existere de perpetrata iniquitate cognoscat et a sacratissimo corpore ac sanguine dei et domini redemptoris nostri Jehesu Christi aliena fiat atque in extremo examine districte vlcioni subiaceat Cunctis autem eidem loco sua iura seruantibus sit pax domini nostri Jehesu Christi qua tenus et hic fructum bone actionis percipiant et apud districtum iudicem premia eterne pacis inueniant Amen Ego Alexr catholice ecclesie Episcopus Ego Bernardus portuensis et Sancti Ruffini Episcopus Ego Hubaldus hostiens Episcopis Ego Gualterius Albanens Episcopus Ego Hubaldus presbiter Cardinalis Tituli Sancte Crucis in Jerusalem Ego Henricus presbiter Cardinalis Tituli Sanctus Nerrei et Achillei Ego Johannes presbiter Cardinalis Tituli Sancti Anast Ego Albertus presbyter Cardinalis Tituli Sancti Laurenc in Lucina Ego Guyl Tituli Sancti Petri ad uincula presbiter Cardinalis Ego Jacinctus diaconus Cardinalis Sancte Marie Cosmaydyn Ego Albo diaconus Cardinalis Sancti Nicholai in carcere tolliano Ego Boso diaconus Cardinalis Sanctus Cosme et Damiani Ego Cinthyus diaconus Cardinalis Sancti Adriani Ego Petrus diaconus Cardinalis Sancti Eustachi iuxta templum Agrippe Ego Manfredus diaconus Cardinalis Sancti Gregorij ad velum aureum Datum Senon per manum Hermanni Sancte Romane ecclesie subdiaconi et notarij non Decembris indictione xiij Incarnationis dominice Anno MCLXIIIJ Pontificatus vero domini Alexandri Pape iij anno sexto