Charter Document - 07451031
| Charter Number: | 07451031 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1307 |
| Date type: | Internal, Calendar, Papal |
| Resource Link(s): |
People of Medieval Scotland |
Charter:
Clemens episcopus seruus seruorum dei Dilecto filio Decano ecclesie Dunblanensi salutem et apostolicam benedictionem Significarunt nobis dilecti filii Abbas et Conuentus monasterii de Neubotil Cisterciensis ordinis Sanctiandree dioecese quod nonnulli iniquitatis filii quos prorsus ignorat decimas redditus census possessiones legata calices et sciphos argenteos libros instrumenta publica priuilegia ornamenta ecclesiastica et nonnulla alia bona eiusdem monasterii temere ac maliciose occultare et occulte detinere presumant non curantes ea dictis Abbati et conuentui exhibere in animarum suarum periculum et eosdem Abbatis et conuentus dicti monasterii non modicum detrimentum super quo idem Abbas et conuentus apostolice sedis remedium implorarunt Quocirca dis[crecioni vestre per] [aposto]lica scripta mandamus quatinus omnes huiusmodi occultos detentores decimarum redituum et aliorum bonorum predictorum ex parte ira publice in ecclesiis coram populo [per te] uel per alium moneas ut infra competentem terminum quem eis prefixetis ea dictis Abbati et conuentui a se debita restituant ac releuent ac de ipsis plenam et debitam eis satisfactionem impendant Et si id non adimpleuerint infra alium terminum peremptum competente quem eis ad hoc duxeris prefigendum ex tunc in eos generalem executionis sententiam proferas et eam ubi et quando expedire uideris facias usque ad satisfactionem condignam solemniter publicari Data Pictauis xiiij kalendas Januarii Pontificatus nostri anno tercio