Charter Document - 07451006
| Charter Number: | 07451006 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Papal |
| Charter Type(s): | Decree |
| Date: | 1279 |
| Date type: | Internal, A.D., Calendar, Papal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus tocius terre sue salutem Cum Henricus de Roskelyn tenens noster de terris de Roskelyn et de Cattekon resignauerit per fustum et baculum in manu nostra et quietum clamauerit pro se et heredibus suis predictas terras de Roskelyn et de Cattekon cum omnibus suis iustis pertinentiis sciant presentes et futuri nos dedisse concessisse et hac presenti carta nostra confirmasse Willelmo de Sancto Claro militi pro homagio et seruicio suo et heredibus suis predictas terras de Roskelyn et de Cattekon Tenendas et habendas predicto Willelmo de Sancto Claro et heredibus suis de nobis et heredibus nostris in feodo et hereditate cum socco et sacca et furco et fossa cum tol et them et infangandethef in boscis et planis pratis et pascuis molendinis et stagnis et omnibus aliis libertatibus et aisiamentis ad predictas terras pertinentibus adeo libere et quiete integre et pacifice sicut predictus Henricus de Roskelyn terras illas liberius quiecius aut melius aliquo tempore tenuit aut possedit faciendo inde nobis et heredibus nostris seruicium dimidii militis Testibus Roberto episcopo Glasgu Willelmo Fraser cancellario nostro Gilberto comite de Anegus Willelmo Cumyn de Kilbryd Symone Fraser Bernardo de Monte Alto Willelmo Byseth Patricio de Graham et multis aliis Apud Treuequayr quarto decimo die Septembris anno regni nostri tricesimo primo