Charter Document - 07451005
| Charter Number: | 07451005 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Papal |
| Charter Type(s): | Decree |
| Date: | 1280 |
| Date type: | Internal, A.D., Calendar, Papal |
| Resource Link(s): |
People of Medieval Scotland |
Charter:
Alexander Dei gracia rex Scottorum omnibus probis hominibus totius terre sue salutem Cum Nicholaus pistor quondam seruiens noster nobis resignauerit per fustum et baculum terram de Inuerlech cum pertinentiis suis quam idem Nicholaus de antecessoribus nostris et nobis quondam tenuit per cartam bone memorie Willielmi regis Scottorum illustris noueritis nos eandem terram de Inuyrlecha dedisse concessisse et hac presenti carta nostra confirmasse Willielmo de Sancto Claro militi et heredibus suis Tenendam et habendam sibi et heredibus suis de nobis et heredibus nostris cum omnibus justis pertinentiis Concessimus etiam eidem Willielmo et heredibus suis ut bladum suum de domo sua propria molant ad molendinum nostrum libere absque multura aliqua inde danda sed homines sui multuram dent Testibus Willielmo de Soulys justiciario Laodonie Hugone de Perisby Thome Ranulph Simone Fraser Nicholao de Haya et Nicholao de Veteri Ponte Apud Hadington octauo die Aprilis anno regni nostri tricesimo primo