Charter Document - 07450156
| Charter Number: | 07450156 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1173 |
| Date type: | Assigned |
| Resource Link(s): |
People of Medieval Scotland |
Charter:
Willelmus Rex Scottorum Episcopis Abbatibus Comitibus Baronibus Justiciis Vicecomitibus prepositis ministris et omnibus probis hominibus tocius terre sue Francis Anglicis et Scottis clericis et laicis modernis et posteris salutem Sciant presentes et futuri me concessisse et hac mea carta confirmasse Deo et ecclesie de Neubotle et fratribus ibidem Deo seruientibus Neubotle Ruchalc Montleuen et terram quam Robertus ferrarius eis dedit et concessit et unam salinam de Blanckelande cum aysiamentis suis et pasnagium per totum forestum meum et materiem ad edificia sua construenda sicut ad meum dominicum sicut Rex Dauid auus meus et comes Henricus pater meus predictas terras et redditus eis donauerunt et cartis suis confirmauerunt Similiter uero concedo eis et confirmo ex dono Malcolmi fratris mei terram Jocelini Coci cum diuisis suis et Dunpeldre per rectas diuisas suas cum Metherauch et omnibus aliis pertinenciis suis iustis sicut Gylpatrik Mackeruy eam antea tenuit Et terram illam que iacet secus Clud nomine Kermyl quam idem Rex Malcolmus eis concessione et consensu Hereberti Episcopi et capituli Gla[s]guensis dedit et confirmauit cum aquis et piscariis ad terram illam pertinentibus sicut Baldewinus vicecomes de Lanark et Galfridus de Maleuilla Fergus filius Ferchert et Douenal filius Ewini cum quibusdam aliis probis hominibus ipsam illis perambulauerunt et saisiauerunt Et preterea terram que fuit Roberti filii Galfridi in Hadyngtonscire scilicet Bereford per rectas diuisas suas et unam carucatam terre super Pefre prout carta matris mee eis testatur Et terram quamdam infra portam australem burgi de Edenburg proximam ipsi porte ex occidentali parte introitus quam Willelmus gener Forni eis dedit Preterea terram de Montlothien atque unum toftum in Leth quod Edwardus filius Petri de Lastalrik eis dedit sicut carta ipsius testatur Preterea ex dono Randulphi de Soulis unam carucatam terre in Gilmuriston sicut ipsius carta testatur Et unam mansuram in Muxelburg ex dono abbatis de Dunfermelyn ita liberam et quietam sicut carta ipsius testatur Preterea concedo eis et confirmo omnes libertates et consuetudines quas antecessores mei eis dederunt et concesserunt sicut in cartis eorum continetur Volo itaque et firmiter precipio ut monachi predictas terras et tenuras prefatas cum omnibus eorum iustis pertinenciis teneant et possideant eadem pace quietudine et libertate qua aliqua elemosina liberius et quiecius tenetur sicut carte antecessorum meorum et aliorum donatorum suorum eis testantur Et prohibeo firmiter ne quis infra diuisas predictarum suarum [terrarum] in aliquo foris faciat super meum plenarium foris factum Testibus Ada comitissa matre mea et multis aliis