Charter Document - 07450155

M[alcolmus] Rex Scot[torum] Episcopis Abbatibus Justiciis Comitibus Baronibus Vicecomitibus Prepositis Ministris et omnibus probis hominibus Francis et Anglis et Scottis Clericis et laicis totius terre sue salutem Sciant presentes et posteri me postquam arma suscepi dedisse et concessisse et hac mea carta confirmasse Deo et Ecclesie Sancte Marie de Neubotle et fratribus ibidem Deo seruientibus in perpetuam elemosinam Dumpeleder per suas rectas diuisas Nominatim cum Metherauch et Maiueth et Glarnephin usque Duniduffel uersus orientem et cum omnibus iustis pertinentiis suis sicut Gillepatric Mac Kerin eas antea melius et plenius tenuit in bosco et plano in campis Pratis Pascuis moris et aquis sicut Baldewinus Vicecomes meus de Lanarc et Galfridus Vicecomes meus de Castello Puellarum et Fergus mac Ferthet et Douenaldus filius Ewein et Vctredus Vicecomes meus de Lillidchu cum quibusdam aliis ex probis hominibus meis eos in eisdem terris Per rectas diuisas inter Laudoniam et Vallem de Clud et Per omnes alias diuisas de Dumpeleder sicut predictus Gillepatric Mac Kerin eas antea tenuit me iubente saisiauerunt et eis metas monstrantes perambulauerunt Quare uolo et hac mea carta confirmo ut ipsi habeant et possideant omnes predictas terras cum omnibus earum appenditiis liberas et quietas ab omni seculari exactione et cum eadem pace et quietudine ac libertate qua propria terra ipsius abbatie de Neubotle ab ipsis tenetur ac possidetur Test[ibus] hiis Ernaldo Episcopo Sancti Andree Herberto Episcopo de Glasgu Johanne abbate de Kelchou Willelmo abbate de Melros Osberto abbate de Jeddewurthe Willelmo et Dauid fratribus Regis Ada comitissa matre Regis Ingelrammo cancellario Waltero filio Alani Dapifero Ricardo de Moreuilla constabulario Nicholao camerario Comite Cospatricio Comite Dunecano Gilberto de Vmfrauilla Willelmo de Sumeruilla Philippo de Coleuilla Hugone Ridel Apud Castellum Puellarum