Charter Document - 07450126
| Charter Number: | 07450126 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1179 - 1189 |
| Date type: | Assigned |
| Resource Link(s): |
People of Medieval Scotland |
Charter:
Willelmus Dei gratia Rex Scott[orum] episcopis abbatibus comitibus baronibus justiciis ministris et omnibus probis hominibus tocius terre sue clericis et laicis salutem Sciant presentes et futuri me concessisse et hac mea carta confirmasse Deo et ecclesie Sancte Marie de Neubotle et monachis ibidem Deo seruientibus terram illam quam Philippus de Euermel eis dedit in Rumanoch in escambium terre illius et pasture quam prius in eadem Rumanoch habuerunt scilicet terram illam quam Hugo de Paduynan et Reginaldus filius eius de patre eiusdem Philippi et de ipso Philippo tenuerunt tenendam predictis monachis in liberam et perpetuam elemosinam ita libere et quiete plenaria et honorifice sicud carta predicti Philippi de Euermel testatur et confirmat et per easdem diuisas saluo seruicio meo de eodem Philippo et heredibus suis quod ipsi pro monachis michi perficient Testibus Philippo de Valoniis Willelmo de Mortimer Alexandro de Sancto Martino et aliis