Charter Document - 07450072
| Charter Number: | 07450072 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1165 - 1174 |
| Date type: | Assigned |
| Resource Link(s): |
People of Medieval Scotland |
Charter:
W[illelmus] Rex Scott[orum] episcopis abbatibus comitibus baronibus justiciis vicecomitibus prepositis ministris cunctisque probis hominibus tocius terre sue salutem Sciant presentes et futuri me concessisse et hac mea carta confirmasse in liberam et quietam et perpetuam elemosinam Deo et ecclesie Sancte Marie de Neubotle et monachis ibidem Deo seruientibus donaciones quas Ada comitissa mater mea fecit eis de Bereford et carucata terre super Pefre que dicitur Por Hoy Quare volo et firmiter precipio ut predicti monachi prenominatas terras teneant de matre mea et heredibus suis ita plenaria sicut Robertus filius Galfridi eas plenius et melius tenuit et ita libere et quiete ab omni seculari exaccione et consuetudine sicut alias elemosinas suas tenent et possident Mater autem mea et heredes sui contra omnes calumniantes predictis monachis terras illas debent warantizare sicut carta ipsius matris mee testatur et confirmat Teste Dauid fratre meo