Charter Document - 07450041
| Charter Number: | 07450041 |
|---|---|
| Cartulary Title: | Registrum Sancte Marie de Neubotle |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1284 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
Alexander Dei gratia rex Scottorum omnibus probis hominibus tocius terre sue salutem Cum Thomas filius Willelmi de Lambirton in vigilia beatorum apostolorum Petri et Pauli apud Castrum Puellarum in presencia nostra constitutur coram Patricio de Graham milite Willelmo de Kynggorn tunc constabulario dicti castri nostri et Ranulpho de gardropa nostra totum ius et clamium quod habuit vel habere potuit in terra de Estircrag de Gorgyn cum pertinenciis pro se et heredibus suis in perpetuum nobis per fustum et baculum reddiderit resignauerit et quietum clamauerit non coactus sua bona et spontanea voluntate Sciant presentes et futuri nos pro anime nostre salute et pro animabus regum antecessorum nostrorum Puerorum et heredum nostrorum dedisse concessisse et hac presenti carta nostra confirmasse Deo et ecclesie beate Marie de Neu et monachis ibidem Deo seruientibus et seruituris ad vnam pitanciam singulis annis faciendam habendam die beati Jacobi apostoli illam terram de Estircrag de Gorgyn cum iustis pertinenciis suis per rectas suas diuisas et eadem die beati Iacobi celebrabunt missas pro nobis Antecessoribus Pueris et heredibus nostris in perpetuum Tenendam et habendam predictis monachis de nobis et heredibus nostris in puram et perpetuam elemosinam adeo libere quiete plenaria et honorifice sicut aliqua elemosina de nobis concessa in regno nostro liberius et quiecius iuste tenetur et possidetur extra regale cum libertatibus et aysiamentis ad dictam terram pertinentibus Testibus Waltero comite de Meneteth Patricio de Graham Andree de Morauia Johanne de Kynros Waltero de Lynddessay militibus primo die Julii anno regni nostri tricesimo quinto apud Striuelyn