Charter Document - 07440001

Malcolmus Dei gracia Rex Scottorum vniuersis sancte matris ecclesie filiis tam futuris quam presentibus salutem Sciatis me posteaquam arma suscepi concessisse et hac carta mea confirmasse Deo et Sancte Marie de Jeddeword et Osberto abbati eiusque successoribus et canonicis ibidem Deo seruientibus Ecclesiam Sancti Petri de Rostinoth cum omnibus que antecessores mei eidem ecclesie dederunt et concesserunt que ut clarius patefiant propriis nominibus exprimere decreuimus videlicet Rostinoth in qua predicta fundata est ecclesia et Crachnatharach et Pethefrin et Teleth et Duninath et Dyserth et Egglespether cum omnibus rebus et maneriis illis pertinentibus et totam decimam de placitis meis de tota Anegus et de conuentionibus in auro et argento et omni pecunia Et totam decimam de can casei mei et brasii mei et prebende mee [] [Et deci]mam molendini mei et piscaria mee de Forfar Et totam decimam de can coriorum meorum et pullorum meorum de meis haraz de Anegus Et x solidos de Kyneber Et [deci]mam firme mee de Salorch et xx solidos ad lumen ipsius ecclesie de eadem Salorch Et decimam firme mee de Munros et de Rossin Et si forte eas ad firmam [non de]dero sed in manu mea retinuero habeant totam decimam de dominio meo sicut de firma habuerunt et decimam de molendino meo de Munros Et sciatis me concessisse supradicto Abbati et Canonicis passagium maris de Scottewater libere et quiete de omni seruicio et consuetudine eis et hominibus eorum inperpetuum Et preterea unum toft in Pert et unum in Striuelin et unum in Edenesburgh et unum toft in Forfar Et precipio quod omnes illi homines tam clerici quam laici qui habitauerunt in terris pertinentibus [] ubicumque nunc sint reueniant ad Rostinoth cum tota eorum pecunia et defendo super foris factum meum ne aliquis eos iniuste detineat amodo super hoc breue [concessum illis] et concessi unum toft in Salorch Precipio itaque ut ecclesia de Rostinoth iuste habeat omnes cum elagas et cum herbas et omnes fugitiuos suos ubicumque sint et inueniri poterint Preterea quecumque eidem ecclesie Abbas atque Canonici iuste atque canonice adipisci poterint tam largitione principum uel regum quam oblatione ceterorum f[ideliu]m perpetuo eis iure mansura statuimus Volo eciam ut prefata ecclesia habeat decimam salinarum mearum de Munros Et concedo eis molendinum quod fecerunt in eadem [] salua rectitudine molendini mei et ita quod molendinum meum non peioratur per illud Hec igitur omnia supradicta pro animabus aui mei patris mei matris mee [sor]orum mearum antecessorum et successorum meorum predicte Ecclesie et Canonicis ibidem sub obedientia prefati Abbatis Deo seruientibus in perpetuam elemosinam concedo ita libera et quieta sicut aliqua ecclesia in terra mea elemosinas suas liberius et quietius tenet Volo etiam ut predictus Abbas O[sbertus] et successores eius prefatam Ecclesiam de Rostinoth suo tractent regimine ponentes in ea Priorem et Conuentum iuxta facultatem eiusdem ecclesie Testibus his Arnaldo episcopo Sancti Andree Willelmo episcopo Morauiensi Herberto Glasguensi episcopo Gaufrido abbate de Dumfermelyn Willelmo abbate de Melros Johanne abbate de Kalchou Willelmo abbate de Edenesburgh Aluredo abbate de Striueline Willelmo et Dauid fratribus meis Ada Comitissa matre nostra Waltero cancellario Engelramo archidiacono Nicholao camerario Waltero dapifero Ricardo constabulario Gilberto de Vnframuillo Dauid Olifard Hugone Ridel Ricardo Cumin Philippo de Coleuilla Radulpho filio Dunegal Apud Rochesburg