Charter Document - 07430017
| Charter Number: | 07430017 |
|---|---|
| Cartulary Title: | Registrum Honoris de Morton |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1316 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[R]obertus Dei gracia rex Scottorum omnibus probis hominibus tocius terre sue salutem Sciatis nos dedisse concessisse et hac presenti carta nostra confirmasse Roberto de Lauueudier dilecto et fideli nostro totam [terram] de Colden cum pertinenciis [que tanquam] foris factura nostra ad nos spectat hac vice racione quondam Petri Lubaud [militis nuper] in curia nostra de prodicione erga nos et regnum nostrum [conuicti] et quam [idem quondam] Petrus tenuit hereditarie infra baroniam de Dalketh [Tenendam et habendam eidem] Roberto et heredibus suis de capitali domino feodi illius in feodo et [hereditate per omnes] rectas metas et diuisas suas adeo libere quiete plenaria et hon[orifice cum] omnibus libertatibus commoditatibus aisiamentis et iustis pertinenciis [suis sicut] dictus quondam Petrus dictam terram cum pertinenciis aliquo tempore tenuit [seu] possedit Faciendo inde dictus Robertus et heredes sui capitali domino feodi [seruicium] debitum et consuetum In cuius rei testimonium presenti carte nostre sig[illum nostrum] precepimus apponi Testibus Bernardo abbate de Abirbrothoc cancellario [nostro Johanne de] Meneth Jacobo domino de Douglas Gilberto de Haya et Roberto de Keth mil[itibus] Apud Edynburgh octauo die Marcii anno regni nostri decimo