Charter Document - 07430016
| Charter Number: | 07430016 |
|---|---|
| Cartulary Title: | Registrum Honoris de Morton |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[R]obertus Dei gracia rex Scottorum omnibus probis hominibus tocius terre sue salutem Sciatis nos dedisse concessisse et hac presenti carta nostra confirmasse Jacobo de Douglas de Laudonia militi dilecto et fideli nostro omnes terras de Kincauill et de Caldorcler cum pertinenciis pro homagio et seruicio suo Tenendas et habendas eidem Jacobo et heredibus suis de nobis et heredibus nostris in feodo et hereditate et in liberam baroniam libere quiete plenaria et honorifice cum omnibus libertatibus commoditatibus aisiamentis et iustis pertinenciis suis Reddendo inde nobis et heredibus nostris dictus Jacobus et heredes sui duodecim [libr]as quinque solidos et decem denarios argenti anuatim ad terminos Penthecostes et sancti [Mart]ini in yeme et faciendo seruicium forinsecum dimidii militis et sectam ad [curia]m nostram de Linlithcu ad singula placita nostra tenenda ibidem In cuius rei [testim]onium presenti carte nostre sigillum nostrum precepimus apponi Testibus Edouardo de Bruys comite de Carryk fratre nostro Thome Ranulphi comite Morauie nepote nostro Bernardo abbate de Abirbrothoc cancellario nostro Waltero senescallo Scocie Johanne de Meneteth Jacobo domino de Douglas et Roberto de Keth marescallo nostro Scocie militibus Apud Sanctum Andream secundo die Aprilis anno regni nostri decimo