Charter Document - 07430014
| Charter Number: | 07430014 |
|---|---|
| Cartulary Title: | Registrum Honoris de Morton |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1315 |
| Date type: | Internal, Calendar, Regnal |
| Resource Link(s): |
People of Medieval Scotland |
Charter:
[R]obertus Dei gracia rex Scottorum omnibus probis hominibus tocius terre sue salutem Sciatis nos dedisse concessisse et hac presenti carta nostra confirmasse Reginaldo de Crauford dilecto et fideli nostro illum annuum redditum decem marcarum in quibus Jacobus de Douglas de Laudonia miles et heredes sui nobis tenentur de terris de Caldorcler et de Kincauill quas idem Jacobus de nobis hereditarie tenet in liberam baroniam Tenendum et habendum eidem Reginaldo et heredibus suis de nobis et heredibus nostris in feodo et hereditate libere quiete plenaria et honorifice Faciendo inde nobis et heredibus nostris dictus Reginaldus et heredes sui seruicium vnius architenentis in exercitu nostro pro omni alio seruicio secta curie exaccione uel seculari demanda In cuius rei testimonium huic carte nostre sigillum nostrum precepimus apponi Testibus Bernardo abbate de Abirbrothoc cancellario nostro Walterio senescallo Scocie Johanne de Meneteth Jacobo domino de Douglas et Roberto de Keth marescallo nostro militibus Apud Kilwinyn quarto die Maii anno regni nostri [decimo]