Charter Document - 07412073
| Charter Number: | 07412073 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1219 - 1224 |
| Date type: | Assigned |
| Resource Link(s): |
Reference Document for this Embedded Document People of Medieval Scotland |
Charter:
Walterus Dei gratia abbas de Der magister Alexander decanus et Malcolmus archidiaconus Abyrdonensis viris venerabilibus et dilectis in Christo Abbati de Kynlos Priori de Urchard et Priori de Kynlos eternam in Domino salutem literas domini Pape recepimus in hec verba [] Hujus igitur mandati apostolici exsecutionis interesse sepe non valentes impedientibus nobis et detinentibus variis et necessariis occupationibus eam vestre discretioni de qua plene confidimus duximus injungendam auctoritate apostolica qua fungimur in hac parte vobis firmiter injungentes quatinus quotienscunque predicto mandato exsequendo non inter fuerimus vices nostras agentes plena illud exsequendi potestate nobis commissa juxta formam rescripti apostolici nobis destinati mediante justicia procedere curetis reservata nobis sentencia diffinitiva Volumus etiam et vobis districte mandamus ut duo vestrum quotiens tertium abesse contigerit diebus et locis a nobis vel a vobis tribus vel duobus statutis vel statuendis ea nihilominus ex sequantur Idem partibus signamus Valete in Domino semper []