Charter Document - 07412018
| Charter Number: | 07412018 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1279 - 1298 |
| Date type: | Assigned |
| Resource Link(s): |
|
Charter:
Omnibus hanc cartam visuris vel audituris Malisius comes de Strathern salutem in Domino sempiternam Sciatis nos dedisse concessisse et hac presenti carta nostra confirmasse Willelmo de Moravia filio Andree de Moravia de Tulibardy totam terram de Tulibardy cum pertinenciis infra comitatum nostrum de Strathern que fuit domine Ada de Moravia sponse quondam domini Willelmi de Moravia de Tulibardy militis et quam dicta domina Ada nuper nobis per fustum et baculum sursum reddidit et resignavit et pro se et heredibus suis omnino quietam clamauit inperpetuum Tenendam et habendam prefato Willelmo et heredibus suis de nobis et heredibus nostris in feodo et hereditate per omnes rectas metas et divisas suas adeo libere quiete plenaria et honorifice cum omnibus libertatibus commoditatibus aisiamentis et justis pertinenciis suis sicut prefata domina Ada dictam terram de Tulibardy cum pertinenciis liberius quiecius plenius et honorificencius aliquo tempore tenuit et possedit Faciendo inde prefatus Willelmus et heredes sui forinsecum seruicium regium et nobis et heredibus nostris seruicia debita et consueta quantum ad eandem terram pertinet ita tamen quod nec nos aut heredes nostri predictam terram de Tulibardy cum pertinenciis vlterius teneamur warantizare vel cujuscunque alterius actionem rectum vel clameum defendere nisi tantum pro clameo nostro et heredum nostrorum In cuius rei testimonium presenti carte nostre sigillum nostrum fecimus apponi Hiis testibus venerabili in Christo patre domino Mauricio Dei gratia episcopo Dunblanensi domino Willelmo de Monte fixo tunc justiciario ex parte boreali aque de Forth domino Johanne de Moravia de Dromsergarth domino Johanne de Inchemartyn domino Waltero de Meneteth militibus Malcolmo de D[]nych Willelmo de Crambyth Johanne de Innerpessry et multis aliis