Charter Document - 07412017
| Charter Number: | 07412017 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1298 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Malesius comes de Stradhern eternam in Domino salutem Noverit vniuersitas vestra quod concedimus pro nobis et heredibus nostris quod non habeamus jus habendi neque pretendi aliquod seruicium de domino Willelmo de Moravia nisi forinsecum seruicium Scoticanum domini Regis in quo nobis tenetur de terris quas de nobis tenet Et se cursum ac auxilium quod nobis in defensione regni per potenciam suam armigerorum equorum et armorum fecit ex libera voluntate sua nobis ex mutuo concessit Quare volumus et concedimus per presens scriptum pro nobis et heredibus nostris quod illud auxilium non sit prejudicium dicto domino Willelmo de Moravia nec heredibus suis in posterum In cuius rei testimonium presenti scripto sigillum nostrum apposuimus Datum apud Mothyl die martis proxima post octobas festi purificationis beate Marie virginis anno gratie MCC nonagesimo septimo