Charter Document - 07412016
| Charter Number: | 07412016 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 - 1295 |
| Date type: | Assigned |
| Resource Link(s): |
People of Medieval Scotland |
Charter:
Omnibus hoc scriptum visuris vel audituris Andreas de Dalrewach filius Ysaac macelibarn salutem eternam in Domino Sciant presentes et futuri me dedisse concessisse et hoc presenti scripto confirmasse domino Willelmo de Moravia militi filio domini Malcolmi de Moravia militis et heredibus suis et assignatis totam terram de Dalrewach me quocunque jure vel quo cumque tempore inperpetuum contingentem per rectas divisas suas et cum omnibus justis pertinenciis suis Tenendam et habendam dicto domino Willelmo de Moravia et heredibus suis vel assignatis de me et heredibus meis in feodo et hereditate per rectas divisas suas et cum omnibus justis pertinenciis suis libere et quiete pacifice et honorifice plenaria et integre in bosco et plano in terris et aquis in pratis et pascuis in moris et mariscis in viis et semitis in stagnis et molendinis in piscariis in feris et avibus et cum omnibus libertatibus et aliis aysiamentis dictam terram pertinentibus vel aliquo tempore pertinere valentibus Faciendo inde predictus dominus Willelmus et heredes sui vel assignati forinsecum seruicium domino Comiti de Stratheren quantum pertinet ad dictam terram scilicet seruicium Scotica num Et licebit dicto domino Willelmo de Moravia et heredibus suis seu assignatis predictam terram ut prescriptum est de domino Comite de Stratheren in capite tenere quando dicto domino Comiti et dicto domino Willelmo de Morauia et heredibus suis seu assignatis placuerit sine aliqua contradictione vel impedimento mei sive heredum meorum Reddendo inde annuatim ipse dominus Willelmus de Moravia et heredes sui vel assignati domino Comiti de Stratheren unum par sotularium laqueatorum ad pasca et mihi et heredibus meis unum denarium ad Pentecosten pro omni seculari seruicio exactione et demanda ita quod predictus dominus Willelmus de Moravia et heredes sui vel assignati liberi sint ab omnibus sectis curie wardis et releviis et auxiliis que a me et heredibus meis aliquo tempore exigi poterunt pro predicto denario prefato termino annuatim persolvendo In cuius rei testimonium presenti scripto sigillum meum apposui et quia sigillum meum non est satis notum sigillum venerabilis patris domini Willelmi Dei gratia Dunblanensis episcopi presenti scripto ad instanciam meam apponi procuravi Hiis testibus domino Hugone abbate de insula missarum domino Johanne abbate de Chambuskyneth magistro Thome decano Dunblanensi domino Willelmo de Rothewan domino David de Berkeley militibus Alano de Kynbuc Colino filio Gylleglasse Monach macalpy domino Michaele capellano Malcolmo de Wterardore clerico et multis aliis