Charter Document - 07412015

Omnibus Christi fidelibus hoc scriptum visuris [vel] audituris Maria relicta quondam Eugenij filij Coning eternam in Domino salutem Cum per morsum concience mente et animo intellexerim me in legitima viduitate mea constitutam contra Deum et justiciam graviter deliquisse injuste vexando dominum Willelmum de Moravia militem filium domini Malcolmi de Moravia militis contra scripta et convenciones inter ipsum et me tempore dicti Eugenij mariti mei de assensu et consensu meo super medietate orientali tocius ville de Tulybardin confectas valendo ratione dicti delicti mei predicto domino Willelmo et suis in parte satisfacere volo et concedo pro me et heredibus meis necnon et presenti scripto meo confirmo in libera potestate viduitatis mee quod dictus dominus Willelmus de Moravia et heredes sui seu assignati totam predictam medietatem orientalem terre de Tillibardyn inperpetuum ad feodi firmam teneant et possideant Tenendam et habendam eidem Willelmo et heredibus suis seu suis assignatis de me et heredibus meis seu assignatis adeo libere quiete plenaria et honorifice cum omnibus libertatibus pertinenciis et aysiamentis tam nominatis quam non nominatis sicut ego aliquo juris titulo predictam medietatem terre Tillibardyn liberius quiecius aut honorificencius tenui vel aliquo tempore tenere potui Reddendo inde annuatim mihi et heredibus meis seu assignatis duo decem marcas bonorum et legalium sterlingorum ad quatuor anni terminos videlicet tres marcas ad Pentecosten et tres marcas ad festum Sancti Petri ad vincula et tres marcas ad festum Sancti Martini in hyeme et tres marcas ad festum purificacionis beate Marie Virginis pro omni seruicio seculari exaccione et demanda que a me et heredibus meis aut assignatis inperpetuum de predicta terra exigi poterunt Faciendo inde seruicium Scoticanum forinsecum de dicta terra legitime debitum et sectam curie domini Comitis de Strathern et reddendo dicto domino Comiti de Stratheren annuatim duodecim denarios bonorum et legalium sterlingorum et abbathie de insula missarum annuatim sex solidos et octo denarios bonorum et legalium sterlingorum Volo etiam et concedo pro me et heredibus meis seu assignatis quod liceat dicto domino Willelmo et heredibus suis seu assignatis quando cumque voluerit seu voluerint et poterit seu poterint totam dictam medietatem terre de Tulybardyn cum pertinenciis sine contradictione mei aut heredum meorum aut assignatorum de predicto domino Comite de Stratheren et heredibus suis inperpetuum in capite tenere et possidere Volo insuper et concedo pro me et heredibus meis seu assignatis quod si contingat predictum dominum Willelmum de Moravia ante dominam Adam sponsam suam neptem meam in fata decedere quod totam dictam medietatem terre de Tulibardyn in omnibus et per omnia sicut scriptum est suo perpetuo teneat et possideat Ego vero predicta Maria et heredes mei totam dictam medietatem orientalem terre de Tulibardyn me jure hereditario contingentem dicto domino Willelmo et heredibus suis seu assignatis contra omnes homines et feminas inperpetuum warantizabimus acquietabimus et deffendemus et ad hec omnia et singula premissa fideliter observanda fidem meam tactis sacrosanctis evangeliis prestiti corporalem In cuius rei testimonium sigillum meum presentibus apposui et quia sigillum meum non satis est notum sigillum officia litatis domini Willelmi Dei gratia episcopi Dunblanensis unacum sigillo Johannis filij Ricardi tunc temporis constabularij de Perth presenti scripto apponi procuravi Hiis testibus magistro Symone Belle perpetuo vicario de Strivelyn domino Douenaldo priore de Mothil domino Clemente capellano decano Christianitatis de Strathern dominis Nevino et Andree capellanis Rogero de Lasselis clerico Malcolmo de Kynros Haldano judice Monach macalpy Hugone de Erthe Randulpho Methsenne Johanne filio presbiteri burgensi de Huchterardor et multis aliis