Charter Document - 07412013
| Charter Number: | 07412013 |
|---|---|
| Cartulary Title: | Registrum Episcopatus Moraviensi |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1284 |
| Date type: | Internal, A.D., Feast |
| Resource Link(s): |
People of Medieval Scotland |
Charter:
Omnibus Christi fidelibus hoc scriptum visuris vel audituris Muriella quondam filia Coneuall filii Duncani salutem eternam in domino Sciant presentes et futuri me in libera viduitate mea die Jovis proxima ante festum apostolorum Symonis et Jude anno Domini millesimo ducentesimo octogesimo quarto dedisse concessisse et hac presenti carta mea confirmasse domino Willelmo de Moravia militi filio domini Malcolmi de Moravia militis totam terram meam de Tulibardyn me et heredes meos quocunque jure inperpetuum contingentem et Ada filie mee sponse dicti domini Willelmi de Moravia per rectas divisas suas et cum omnibus justis pertinentiis suis Tenendam et habendam predicto domino Willelmo de Moravia et prefate Ada sponse sue et heredibus dicte Ada de me et heredibus meis in feodo et hereditate per rectas divisas suas et cum justis pertinentiis suis libere et quiete pacifice et honorifice plenaria et integre in bosco et plano in terris et aquis in pratis et pascuis in moris et mariscis in viis et semitis in stagnis et molendinis in piscariis feris et avibus et cum omnibus aliis libertatibus et aysiamentis ad dictam terram pertinentibus vel de jure ali quo tempore pertinere valentibus Faciendo inde predicti dominus Willelmus et Ada sponsa sua et heredes dicte Ada forinsecum servicium domino Comiti de Stradhern quantum ad dictam terram pertinet scilicet servicium Scoticanum Reddendo etiam annuatim domino comiti de Stradhern duodecim denarios argenti de predicta terra et michi et heredibus meis predicti dominus Willelmus et Ada sponsa sua filia mea et heredes dicte Adam unum denarium argenti annuatim ad Pentecosten pro omni servicio seculari consuetudine exactione et demanda ita quod dicti dominus Willelmus de Moravia et Ada sponsa sua filia mea et heredes dicte Ada liberi erunt et quieti ab omnibus sectis curie et wardis et releviis et auxiliis que a me et heredibus meis exigi poterunt pro dicto denario prefato termino persolvendo Ego vero Muriella et heredes mei totam predictam terram de Tulibardyn sepe dicto domino Willelmo de Moravia et Ada sponse sue filie mee et heredibus dicte Ada contra omnes homines et feminas warantizabimus acquietabimus inperpetuum et defendemus In cujus rei testimonium presenti scripto sigillum meum appensum est Hiis testibus domino Malisio comite de Stradhern dominis Patricio de Graham et Willelmo de Rotheuen militibus domino Hugone Dei gratia abbate de Insula missarum domino Nicholao rectore ecclesie de Cress domino Beda rectore ecclesie de Muyethe Duncano de Buchsuder Malcolmo de Glendochrad Colino filio Gilleglas et multis aliis